அரிசி அரிப்பும் உடன்குடி கருப்பட்டியும் (என் விகடன்)

அரிசி அரிப்பும் உடன்குடி கருப்பட்டியும் (என் விகடன்)

உடன்குடி பற்றிய தன் பால்ய கால நினைவுகளைப் பகிர்ந்துகொள்கிறார் தமிழ்நாடு முஸ்லிம் முன்னேற்றக் கழகத் தலைவர் ஜவாஹிருல்லாஹ்!

''நான் இரண்டாம் வகுப்பு வரை உள்ளூ ரில் உள்ள பஞ்சாயத்து யூனியன் பள்ளியில் படித்தேன். எனது தாத்தா, தந்தை, பெரிய தந்தை மூவரும் இலங்கையில் வர்த்தகம் செய்தவர்கள். ஸ்ரீமாவோ - சாஸ்திரி உடன்பாட்டுக்குப் பிறகு இலங்கையில் ஏற்பட்ட சூழல் காரணமாக, சொந்த நாட்டுக்கே திரும்பிவிட்டனர். அதன் பிறகு, எனது தந்தை சென்னை கொத்தவால் சாவடியில் வியாபாரம் செய்ததால், சென்னைக்குக் குடிபெயர்ந்தோம். அத னால் நானும் சென்னைக்கு வர வேண்டிய தாயிற்று.


ஆனாலும், எனக்கு உடன்குடி மீது தீராத பிரியம் உண்டு. ஒவ்வொரு விடுமுறை யின்போதும், சொந்த ஊரில் இருக்கும் எனது மாமா பாதுஷா வீட்டுக்கு வந்துவிடு வேன். விடுமுறைக்கு உடன்குடி வரும்போது மாலை நேரங்களில் நண்பர்களோடு விளையாடி முடித்து வீட்டுக்கு வந்ததும், 'அரிசி அரிப்பு’ என்று ஒரு பலகாரம் தயாராக இருக்கும். அரிசி, தேங்காய் ஆகியவற்றை நன்றாக வறுத்து அதனுடன் முட்டை, தேங்காய்ப் பால் சேர்த்து மீண்டும் சூடுபடுத்தி, அனைத்தையும் பவுடர் ஆக்குவார்கள். பிறகு, அத் துடன் சீனி கலந்து சாப்பிடத் தருவார்கள். களைத்து வரும்போது சாப்பிடுவதற்கு அத்தனை ருசியாக இருக்கும்!
எங்களுக்கு உடன்குடியில் நிறைய பனை, தென்னை மரங்கள் உண்டு. அங்கே பதநீரில் இருந்து காவா என்ற பானம் செய்து கொடுப்பார்கள். அதன் ருசியே தனி. இந்தப் பகுதியில் செய்யப்படும் சில்லுக் கருப்பட்டி, வெள்ளைக் கருப்பட்டி ரொம் பவே ஃபேமஸ்.


ஒரு காலத்தில் உடன்குடி வெற்றிலைக்கு மவுசு ஜாஸ்தி. மழை குறைந்துவிட்டதால், நிலத்தடி நீர் உப்பாக மாறி, வெற்றிலை விவசாயம் அடியோடு அழிந்துவிட்டது. உடன்குடியில் வாழை ஏகமாகப் பயிரிடுவார்கள். இங்கு விளையும் பூலாஞ்செண்டு வாழைப்பழம் நல்ல ருசியாக இருக்கும்.


சிறு வயதில் வாதாங்கொட்டை பழம் பறித்துச் சாப்பிட நண்பர்களோடு அலைந்த அனுபவங்களை என்றென்றும் மறக்க முடியாது. பனம்பழத்தைச் சுட்டு சாப்பிட்டால், சுவையாக இருக்கும். சென்னையில் இருந்து நான் வந்துவிட்டால், எங்கள் மாமா வீட்டில் எப்போதும் பனம் பழம் சுட்டுக் கொடுத்துக்கொண்டே இருப்பார்கள். அதன் வாசனை தெருவெங்கும் அலைந்து ஆட்களை இழுக்கும். இப்போதும் நண்பர்களோடு காட்டுக்குச் சென்று தீ மூட்டி பனம்பழத்தைச் சுட்டு சுவைத்தபடி பல விஷயங்களைப் பேசிக்கொண்டு இருப்போம்.


வணிக நிமித்தமாக பல்வேறு நகரங்களுக்கும் நிறையப் பேர் இடம்பெயர்ந்து சென்றுவிட்டதால், உடன்குடியில் இருக்கும் வீடுகள் பராமரிப்பு இல்லாமல் பாழடைந்துகிடக்கின்றன. பார்க்கும்போது வேதனையாக இருக்கிறது. இருந்தாலும் ஊருக்குள் நுழையும்போதெல்லாம், துள்ளித் திரிந்த பால்ய நாட்கள் மனதில் அழகான நினைவுகளைக் கிளறிக்கொண்டே இருக்கின்றன!''


என் விகடன் (ஆனந்த விகடன் இணைப்பு 30.03.2011) சந்திப்பு ஆண்டனிராஜ், படங்கள்: எல்.ராஜேந்திரன்

வீடியோக்கள்

More Videos
Watch the video

ஊடகங்களில்

More Articles

ஸ்டெர்லைட் ஆலையை மூடக் கோரி போராட்டம் நடத்தியவர்கள் மீது காட்டுமிராண்டித்தனமாகத் துப்பாக்கி சூடு தாக்குதல் நடத்தியுள்ள காவல்துறையினர் மீது நடவடிக்கை என மனிதநேய மக்கள் கட்சியின்...

நீட் தேர்வுக்கு எதிரான திமுக பொதுக்கூட்டத்தில் ஜவாஹீருல்லா பேச்சு (புதிய தலைமுறை தொலைக்காட்சி 08.09.2017

கட்டுரைகள்

More Articles

வரலாறு என்பது உண்மை நிகழ்வுகளின் பிரதிபலிப்பு. அது நமக்கும் ஒரு படிப்பினை. நமது அடுத்து தலைமுறைக்கும் ஒர் அரிய பாடம். அதில் கற்பனை கலப்பு கூடாது....

இந்தியப் பிரதமர் நரேந்திர மோடி, ரஷ்ய அதிபர் விளாடிமிர் புதின், தமிழக முதல்வர் ஜெ.ஜெயலலிதா மூன்று தலைவர்களும், காணொளி மூலம் கூடங்குளம் அணுஉலையின்...

இந்தியாவில் வாழும் முஸ்லிம்கள் சிறுபான்மையினர் அல்லர் - பார்சிகளே சிறுபான்மையினர்' என்ற சிறுபான்மையினர் நலத் துறையின் மத்திய அமைச்சராகப்...

அறிக்கைகள்

More Articles

இந்திய அரசியலில் மாபெரும் தாக்கத்தை ஏற்படுத்தி தமிழகத்தின் அரை நூற்றாண்டு கால தலைப்புச் செய்தியாய் திகழ்ந்த முத்தமிழ் அறிஞர் தலைவர் டாக்டர் கலைஞர்...

காந்தியடிகளின் 150-வது பிறந்தநாளை முன்னிட்டு மீள முடியாத நோய் தாக்கிய ஆயுள் கைதிகளை விடுதலை செய்ய வேண்டும் என, மனிதநேய மக்கள் கட்சித் தலைவர்...

காவிரியில் தமிழகத்திற்கு தற்போது கிடைத்து வரும் உபரி நீர் வீணாகாமல் சேமிக்க அரசு நடவடிக்கை எடுக்க வேண்டும் என மனிதநேய மக்கள் கட்சியின் தலைவர்...

அணுக்கழிவைக் கையாளும் தொழில்நுட்பம் இல்லாத கூடங்குளம் அணு உலையை மூட தமிழக சட்டப்பேரவையில் தீர்மானம் நிறைவேற்றப்பட வேண்டும் என்று மனிதநேய மக்கள்...